Les mots surlignés font l'objet d'une note
1Monsieur, tout presentement jay esté adverty de bon endroict et seur, que de la Val Querascq
2ung André Vial de Briquerascq, est venu en Angroigne et aultres vallées circonvoisines
3pour lever gens ; et à ce quil dict, il y a esté envoyé par Mombrun et a apporté
4avec luy quelque argent pour cest effect. Il en a desià apposté ung bon nombre,
5lesquelz ilz pensent de mettre avec deux cens du pays qui sont, à ce quil dict,
6prestz vers ledit Val Querascq, et veullent, à ce que porte ledit adviz, faire deux effectz :
7l’ung ne se scait pas encores, et laultre est, quayant entendu que vous avez
8faict ou voullez faire levée de gens pour aller en ladite vallée Querascq ou en
9aultre endroict à leur dommaige, ilz vous veullent aller attendre entre Ours
10et Sezanne, à lendroict de ceste petite montaigne et boix où il y a maulvaiz
11passaige à ce que porte ledit adviz et avec layde de ceulx de Pragella, vous
12tailler en pièces . Ilz se veullent servir des armes des catholicques qui sont
13en ladite Val Querascq et ez environs les leur ostant. Je serey bien adverty
14quant ilz sassembleront pour partir, mays parce que ladvertissement
15me pourroyt venir tard, et puis davantaige de moy à vous, jay bien
16voullu vous faire la presente, affin que, à bonne heure, vous advisiez à voz
17affaires et preniez garde tant à cela qu’à quelque aultre chose
18qui puisse advenir ; car en effect silz veullent execquter quelque
19chose, je vous prie faire tenir lincluz par la poste au plustost quil
20sera possible, et au reste madvertir de la reception de ceste cy, me
21faisant part de voz nouvelles ; et je prierey Dieu pour fin, après
22mestre recommandé à votre bonne grace, quil vous doint
23monsieur, en santé bonne et longue vie. De Saluces, le XVe janvier
241574